அக்ஸாவில் இருந்து ஒரு சிப்பாயின் மடல்..... Marikkar SACP

அக்ஸாவில் இருந்து ஒரு சிப்பாயின் மடல்.....
_____________________________________________

உலக முஸ்லீம்களே..
இஸ்லாம் என்ற - இரத்தத்தால்
இணைந்து நிற்கும்
உடன்பிறப்புகளே...
***
கடல் கடந்த – எங்கள்
கண்ணுக்குத் தெரியாத கரங்களே...
***
அக்ஸாவின் – ஆயுதப் பள்ளத்தாக்கிலிருந்து
இது - ஓர்
சிப்பாயின் மடல் !
***
அஸ்ஸலாமு அழைக்கும்
***
இங்கே நடப்பதை – நீங்கள்
வாசித்திருப்பீர்கள்...
***
உங்கள் கண்கள்
கலங்கியிருக்க கூடும்...
***
எங்கள் குழந்தைகளின் ரத்தம் !
உங்கள் வீடுவரைக்கும்
தெரித்திருக்கக் கூடும்...
***
கருகிய மலர்களை
கைகளில் அல்லும் – அந்தக்
கண்ணீர்
உங்களையும் சுட்டிருக்கும்...!
***
உலக முஸ்லீம்களே....
***

யூத ராணுவம் – எமது மண்ணை
விழுங்க
மீண்டும் அடியெடுத்தது !
***
நவீனமும் – நாய்களும்
பிடரி நக்க – எம்
வியர்வையை
மோப்பம் பிடித்தது...!
***
82 ஆயிரம் படை நிறுத்தி – எங்கள்
குடிசைகளைக்
குறிவைத்தது..!
***
261 பெண்கள் சிதற
102 வயோதிபர் வகுந்தெடுக்கப்பட
578 பிஞ்சுகள் நெஞ்சு பிளக்க
2000 உயிர்களை
இஸ்ரேல் – இன்று
தின்று முடித்தது...!
***
ஷஹீதுகள்...
சந்தோஷமாகப் போனார்கள்...
***
சுவனத்தின் சுவை
ரமழானில்
இன்னும் இனிமையானது...!
***
ஷஹீதுகள்...
சந்தோஷமாகப் போனார்கள்...
***
உலக முஸ்லீம்களே...
***
அவர்கள் மறித்தார்கள்..!
இல்லை – எங்கள்
நெருப்புக்கு வகுப்பெடுத்தார்கள்...!
***
அந்த - புன்னகைத்த
முகங்களில்
மின்சாரம் இருந்தது...!
***
இதோ - கல்புக்கு
கரண்ட் எடுத்துக் கொள்கிறோம்..!
***
பிடுங்கி எடுக்கமுடியாத
ஈமானிய ஆணிவேருடன்
போராடுகிறோம்...!
***
யஹூதிகள் இப்போது
ஓர்
புதிய எதிரியுடன்
மோதுகிறார்கள்...!
***
அவர்களின் – ஆச்சரியங்களுக்கு
அப்பால் - எங்கள்
தாக்குதல் நீண்டிருக்கிறது.. !
***
ஆளில்லா விமானம் – அங்கே
அதிர்ச்சி வைத்தியம் !
***
“ஜிகெம்” இன்
கடல்மார்க்கக் கதைமுடிப்பு – அவர்கள்
திரும்பிப்பார்த்த
திகில் அனுபவம்...!
***
Airport தொடும் ஏவுகணை
அங்கே
சர்வதேச நில நடுக்கம்...!
***
உள்ளூர் உளநோயும்
முகம் தெரியா
முதுகுக் கண்ணீரும் – இன்று
இஸ்ரேலின் காற்றில் கசிகிறது...!
***
அவர்களின் – ஆச்சரியங்களுக்கு
அப்பால் - எங்கள்
தாக்குதல் நீண்டிருக்கிறது.. !
***
வளையில் மாட்டிய
வௌவால்களின் ஓலம்...!
***
இது
இஸ்ரேலுக்குப் புதிது..!
***
எனவே
வட்ட மேசைக்கு
வந்து விழுந்திருக்கிறது !
***
இது
யுத்த நிறுத்தமல்ல !
பேய்களின் – ஓய்வு காலம் !!
***
ஆம்
மாலைதீவின்
மறுப்பு !
***
மொரோக்கோ
அதிபரின் சத்தம் !
***
பொலீவியா
கிழித்தெறிந்த சட்டம்..!
***
வீதியில் வீசப்பட்ட
இஸ்ரேலிய விருதுகள்...!
***
இராஜினாமா
செய்யப்பட்ட – இங்கிலாந்தின்
பதவிகள் !
***
பறக்க மறுத்த – அமெரிக்க
ஆகாய விமானங்கள்... !
***
முற்றுகையில் கிழிபட்ட
BBC
முகமூடிகள் !
***
“Ronaldo !” – ஒரு
கால்பந்தாட்ட வீரனின்
கருத்தில் சிவத்த
தங்கக் காலணிகள்...!
***
உலகின் – தலை நகரை
உசுப்பிய
மனித – உணர்வுகளின்
உயிரலைகள்... !
***
இந்த Gaza வின் வெற்றிகள்...,
இந்த Gaza வின் வெற்றிகள்...,
***
இஸ்ரேலின்
கறுப்பு மூளையில்
ஆணி அடித்தது !
***
விஷத்தின்
வீரியம் குறைத்தது... !
***
வட்ட மேசைக்கு
வந்து விழ வைத்தது !
***
தெரியும்...
இது
யுத்த நிறுத்தமல்ல...
பேய்களின் ஓய்வுகாலம் !
***
உலக முஸ்லீம்களே...
***
எனினும் – இந்த
தற்கால வெற்றி – எம்மைத்
தரப்படுத்தும் !
***
அகளி யுத்தத்தை – இன்னும்
ஆழப்படுத்தும் !
***
சுரங்கங்கள்
சுரக்கும் !
***
எங்கள் ஆயுதப் பள்ளத்தாக்கில்
புதிய
மனித மலர்க் கன்றுகள்
பூக்கும் !
***
ஏவப்படாத ஏவுகணைகள் – மீண்டும்
அறிமுகமாகும் !
***
ஆச்சரியங்கள்
காத்திருக்கும்...!
***
தாய்ப்பால்
தக்க பலத்தோடு
சாராயத்தை சந்திக்கும்.. !
***
அது – பாலஸ்தீனின்
விடுதலையை
விரைவாக்கி எழுதும் !
***
உலக முஸ்லீம்களே..
இஸ்லாம் என்ற - இரத்தத்தால்
இணைந்து நிற்கும்
உடன்பிறப்புகளே...
***
சில
கடைசி வரிகளோடு - இந்தக்
கடிதத்தை
முடித்துக்கொள்கிறேன்...
***
உலக முஸ்லீம்களே...
அல்லாஹ் – உங்களுக்கு
அருள் செய்வானாக...
***
நாங்கள்
நெருப்பில் நின்றபோது
நீங்கள்
நெருங்கி வந்தீர்கள்...
***
உங்கள் குழந்தைகளின்
பால்மாக்களைப்
பகிர்ந்து கொண்டீர்கள்...
***
உங்கள் Panadol களால்
எங்கள்
தலைவலி தடவினீர்கள்...
***
பாங்கோசை கேட்டதும்
மஸ்ஜிதின்
கதவு திறந்தோடி – எமக்காக
அல்லாஹ்வைச் சந்தித்தீர்கள்...
***
களத்திலே...
எங்கள் சட்டைப் பைகளில்
உங்கள்
ரோஜாக்கள் இருந்தன...
***
நீங்கள்
இணைந்து கொண்ட போது
எங்கள் நிலம்
விசாலமானது...
***
உங்கள் ரமழான்
எங்கள்
ஆயுதக் கிடங்காக இருந்தது...!
***
உங்கள் குனூத்தில்
நாங்கள்
இருந்தோம்...
***
உங்கள் சுஜூதில்
நாங்கள்
சிவந்தோம்...!
***
உங்கள் உறவுக்கரம்
எம்மைத் தொட்டது...!
***
அந்த ஈமானிய ஸ்பரிசம்...
எங்கள்
மரணித்த தாயை
மனக்கண்ணில் தந்தது...!
***
உங்கள் துஆக்களைத் தாண்டி
பெரியதோர் ஆயுதம்...
Gazzam இடம்
இருந்ததில்லை !
***
இன்ஷா அல்லாஹ்
இஸ்ரேல் – ஓர் நாள்
முடியும் !
***
இந்த மண்ணுக்கான
தீர்ப்பு
திருத்தி எழுதப்படும் !
***
குத்ஸ் இன்
மினாராக்களில் – எங்கள்
கீதப்பறவைகள்
கூடுகட்டும்..!
***
அன்று...
அக்ஸாவின் அதான்
அழாமல் ஒலிக்கும்...
***
அதுவரைக்கும்
நிறுத்தாது பிரார்த்தியுங்கள்...
***
எங்கள்..- தூரத்துத்
தூண்கலாய் இருங்கள்...
***
உலக முஸ்லீம்களே..
இஸ்லாம் என்ற - இரத்தத்தால்
இணைந்து நிற்கும்
உடன்பிறப்புகளே...
***
கடல் கடந்த – எங்கள்
கண்ணுக்குத் தெரியாத கரங்களே...
***
விடை பெறுகிறேன்....
***
அன்புடன்,
அக்ஸாவின் பள்ளத்தாக்கிலிருந்து
இஸ்லாமியச் சகோதரன்.